24 Май 2023
853
Волейболчи қизларимиз ярим финалга йўл олишди
Волейбол бўйича Ўзбекистон аёллар терма жамоаси Непалда ўтказилаётган “CAVA Challenge CUP 2023” мусобақасида иштирок этиши ҳақида маълум қилган эдик. Бугун қизларимиз гуруҳ босқич учрашувларини якунлашди.
“В” гуруҳидан ўрин олган волейболчиларимиз дастлабки икки учрашувда Шри-Ланка ва Мальдив оролларини 3:0 ҳисобида мағлубиятга учратишди. Бироқ 3-турда Қозоғистонга 1:3 ҳисобида имкониятни бой беришди. Шу тариқа, гуруҳни 2-ўринда якунлаган Ўзбекистон аёллар термаси ярим финалда “А” квартетининг ғолиби Ҳиндистон билан баҳс олиб боради. Ушбу ўйин 26 май куни бўлиб ўтади.
