23 Май 2023
1366
Нигина Абдураимова “Ролан Гаррос”даги иштирокини бошлайди
Париж шаҳрида теннис бўйича “Катта дубулға” сериясига кирувчи Франция очиқ чемпионати – “Ролан Гаррос” мусобақасининг саралаш босқичи баҳслари бўлиб ўтмоқда. Бугун асосий давра учун кураш олиб бораётган ҳамюртимиз Нигина Абдураимова дастлабки учрашувини ўтказади.
Жаҳон тасниф жадвалида 176-поғонада келаётган теннисчимиз иккинчи босқичга йўл олиш учун словениялик Тамара Зиданшекка (№110) қарши кортга чиқади. Учрашув Тошкент вақти билан тахминан 16:00 да старт олади. Бу баҳс теннисчиларнинг дастлабки қарама-қаршилиги ҳисобланади.
