8 Май 2023
874
Учкурашчимиз кучли ўнликда
Польшанинг Сопот шаҳрида от спортининг учкураш йўналиши бўйича “Spring Tour” мусобақаси якунланди. Маълум қилганимиздек, унда Ўзбекистон терма жамоаси жамоаси аъзоси Жасурбек Хотамбеков иштирок этди.
Ҳамюртимизга беллашувларда «Viola» лақабли тулпор ҳамроҳлик қилди. 13 мамлакатдан ташриф буюрган 80 нафар спортчи орасида юртдошимиз 10-натижани кўрсатди. Турнирда асосан Европа вакиллари иштирок этгани, қолаверса, Олимпия дастуридан ўрин олган ушбу йўналиш мамлакатимизда энди ривожланаётганини инобатга олсак, бу Хотамбеков учун муносиб натижа бўлди. Спортчимизга келгуси мусобақаларда ҳам омад тилаб қоламиз.