7 Май 2023
1015
Дилшодбек Баратов финалда!
Дзюдо бўйича жаҳон чемпионатининг биринчи куни Ўзбекистон терма жамоаси учун омадли ўтмоқда. -60 кг вазн тоифасида курашаётган Дилшодбек Баратов финал йўлланмасини қўлга киритди.
Баратовнинг мусобақадаги старти ажойиб реваншлар билан бошланди. Дастлаб мўғулистонлик Ариунболд Энхтайвиндан Тошкентдаги ЖЧнинг ярим финал, ундан сўнг эса жаҳон чемпиони, икки карра Олимпиада совриндори қозоғистонлик Елдос Сметовдан бронза медали учун баҳсдаги мағлубиятлар учун реванш олинди. Ҳамюртимиз чорак финалда марокашлик Йонес Саддики, ярим финалда эса бельгиялик Йорре Верстрайтендан устун келди. Унинг финалдаги рақиби испаниялик Франсиско Гарригос бўлади.
