5 Май 2023
904
Александр Савкин узоқ муддатли йиғинга киришмоқда
Замонавий бешкураш бўйича Ўзбекистон терма жамоаси аъзоси Александр Савкин халқаро ўқув-машғулот йиғинида иштирок этиш учун Кипрга йўл олди. Токио-2020 Олимпиадаси иштирокчиси бир неча ҳафта давом этадиган йиғинда кўплаб кучли спортчилар билан ўз маҳоратини янада оширади.
Қайд этиш жоиз, мазкур тайёргарлик жорий йил кутиб турган энг асосий старт бўлмиш Ханчжоу-2022 Осиё ўйинларига тайёргарликка қаратилган. Йиғинда спортчимиз асосан эътиборни катта жисмоний куч сарфланадиган сузиш ва югуриш йўналишларига қаратади. Режага кўра, Кипрдаги машғулотлар камида 2 ой давом этади.
