30 Апрель 2023
1038
Миллатлар кубогининг навбатдаги кунида қозоғистонлик чавандоз ғалаба қозонди
Тошкентда ўтаётган конкур бўйича Евросиё лигаси Миллатлар кубоги мусобақасининг навбатдаги кун беллашувлари ортда қолди. Унда спортчилар “CSIO1*W HEFU President's Cup 2023” дастурида ўз маҳоратларини намойиш қилишди.
Қизиқарли курашларга бой бўлган ушбу йўналишда “U Core De La Vile” лақабли отда иштирок этган қозоғистонлик Чингиз Маликаждар энг яхши натижа билан олтин медални қўлга киритди. “Brand Plus”да чиқиш қилган Умид Камилов кумуш медаль билан тақдирланган бўлса, Аъзам Толиббиев “Class X” билан кучли учликни якунлаб берди.
Беллашувлар давом этади. Бугун чавандозлар мусобақанинг асосий йўналишида ғолиблик учун кураш олиб боришади.
