Камончиларимиз яккалик дастурида медаллар учун курашишмоқда
Туркиянинг Анталья шаҳрида камондан отиш бўйича Жаҳон кубогининг биринчи босқичи давом этади. Бугунги кун беллашувларини яккалик баҳсларининг 1/32 финал босқичи, шунингдек, аралаш жамоавий йўналиш бўйича 1/16 финалидан ўрин олган баҳслар очиб беради. Саралашдан муваффақиятли ўтган Амирхон Содиқов, Нилуфар Ҳамроева ҳамда Зиёдахон Абдусатторова бугун медаллар учун курашни давом эттиришади. Содиқов/Абдусатторова тандеми эса аралаш жамоавий йўналишдаги баҳсларда қатнашади.
Яккалик, 1/32 финал:
Амирхон Содиқов – Ярно де Смедт (Бельгия)
Нилуфар Ҳамроева – Элина Иденсен (Германия)
Зиёдахон Абдусатторова – Алина Ильясова (Қозоғистон)
Аралаш жамоавий, 1/16 финал:
Ўзбекистон – Молдова
Ортда қолган куннинг жамоавий дастурида йигитларимиз 1/8 финалда Франция, қизларимиз 1/16 финалда Туркия термасига мағлуб бўлишди.
