17 Апрель 2023
1068
Абдуллаев Италиядаги мусобақада ўз имкониятини синаб кўрди
Италиянинг Тоскана шаҳрида от спортининг конкур йўналиши бўйича “AREZZO ITALY Toscana Tour 2023” мусобақаси бўлиб ўтди. Унда Ўзбекистон терма жамоаси аъзоси Абдураҳмон Абдуллаев юртимиз шарафини ҳимоя қилди.
Баҳслар 140 см баландликдан сакраш йўналиши бўйича ўтказилди. “Quintair” лақабли тулпор билан ўз омадини синаб кўрган Абдуллаев 41 чавандоз орасида 18-натижани қайд этди. Ҳамюртимизга келгуси мусобақаларда омад тилаб қоламиз.
