13 Апрель 2023
1100
Мисрлик таэквондочилар жаҳон чемпионатига пойтахтимизда тайёрланишмоқда
Шу кунларда таэквондо WT бўйича Миср терма жамоаси Тошкентда ўқув-машғулот йиғинини ўтказмоқда. 19 апрелга қадар давом этадиган машғулотларда Ўзбекистон терма жамоаси ҳам иштирок этяпти.
Пойтахтимизга меҳмон жамоанинг 3 нафар мураббийи, шунингдек, эркаклар ва аёллар терма жамоасидан жами 9 нафар спортчи ташриф буюрган. Улар орасида Токио-2020 Олимпиадаси совриндори Сейф Эйсса каби номдор спортчилар бор. Қайд этиш жоиз, мазкур йиғин жорий йилнинг 29 май – 6 июнь кунлари Озарбайжонда бўладиган жаҳон чемпионатига тайёргарлик вазифасини бажариб беради.
