3 Апрель 2023
1067
Учкурашчимиз Польшадаги мусобақада иштирок этди
Мамлакатимизда Олимпия спорт турларининг ҳар бир дастурини янада ривожлантиришга катта эътибор қаратилмоқда. Жумладан, от спортининг учкураш йўналишига ҳам. Мазкур йўналишда шакллантирилаётган Ўзбекистон терма жамоаси аъзолари турли мусобақаларда иштирок этиб, халқаро майдонда улкан тажриба тўплашмоқда.
Жумладан, учкурашчимиз Алишер Эркинов 31 март – 2 апрель кунлари Польшада ўтган "Strezagom Spring Open 2023" халқаро мусобақасида қатнашди. Ҳамюртимиз мазкур турнирда гарчи совриндорлар қаторидан жой ололмаган бўлса ҳам Европанинг сара 50 нафар чавандози орасида ўз маҳоратини оширишга муваффақ бўлди.
Маълумот учун, учкураш манежда от йўрттириш, дала майдонларидаги тўсиқлардан сакраш ва конкур дастурларини ўз ичига олади.
