Гўзал Хуббиева ҳамда Екатерина Шубинани табриклаймиз!
Бугун енгил атлетика бўйича Ўзбекистон терма жамоаси бош мураббийи Гўзал Хуббиева ҳамда байдаркачимиз Екатерина Шубина таваллуд айёмини нишонлашмоқда.
Гўзал Хуббиева 1976 йил 2 май куни Тошкентда таваллуд топган. Спортчилик фаолиятида спринтерлик йўналишларида (100 ва 200 метр) иштирок этиб, Сидней-2000, Афина-2004, Пекин-2008 ва Лондон-2012 Олимпия ўйинларида юртимиз шарафини ҳимоя қилган. Шунингдек, Хуббиева Доха-2006 Осиё ўйинларида 1 тадан олтин ва кумуш, Гуанчжоу-2010 да эса 1 тадан кумуш ва бронза медалларини қўлга киритган. Спринтеримиз ҳисобида Осиё чемпионатларининг ҳам олтин ва кумуш медаллари мавжуд.
Екатерина Шубина 1988 йил 2 май куни Тошкент вилоятида таваллуд топган. Байдаркачимиз Гуанчжоу-2010 Осиё ўйинларида кумуш ва 2018 йил Индонезияда турли масофаларда кумуш ва бронза медаллари совриндори. Ҳозирда Токио-2020 Олимпия ўйинларига йўлланма берувчи мусобақага ҳозирлик кўрмоқда.
Ўзбекистон Миллий Олимпия қўмитаси Гўзал Хуббиева ҳамда Екатерина Шубинани бугунги таваллуд айёми билан табриклаб, уларга сиҳат-саломатлик ва омад тилаб қолади.
