24 Март 2023
984
Диёра Келдиёрова финалда!
Дзюдо бўйича Тбилиси "Катта дубулға" турнирида биринчи куннинг саралаш беллашувлари ортда қолмоқда. Қувонарлиси, унда иштирок этаётган ҳамюртимиз Диёра Келдиёрова финал йўлланмасини қўлга киритди.
-52 кг вазн тоифасида иштирок этаётган спортчимиз юқори рейтинг поғонаси сабаб биринчи даврадан эркин ўтди. Шундан сўнг Келдиёрова саралашда Қозоғистон, Польша вакилларини, ярим финалда эса Хитой терма жамоаси аъзосини муддатидан аввал мағлубиятга учратишга эришди. Ҳамюртимиз олтин меаль учун Токио-2020 Олимпиадаси чемпиони косоволик Дистрия Красничи билан беллашади.