12 Март 2023
970
Ёш футболчиларимиз бешинчи бор "кичик мундиал"га йўл олишди
Тошкентда ўтаётган футбол бўйича U-20 Осиё чемпионатида Ўзбекистон ёшлар терма жамоаси чорак финалда Австралияни пенальтилар сериясида мағлуб этиб, ярим фнал босқичи билан бирга жорий йил Индонезия мезбонлик қиладиган жаҳон чемпионатига йўл олди. Шу тариқа Ўзбекистон U-20 ёшлар терма жамоаси 8 йиллик танаффусдан сўнг яна бир мундиалда иштирок этиш ҳуқуқини қўлга киритмоқда. Қайд этиш жоиз, бу ёшлар терма жамоамиз учун 5-жаҳон чемпионати бўлади!
Ўзбекистон Миллий Олимпия қўмитаси ушбу муваффақият билан Ўзбекистон футбол ассоциацияси, футболчиларимиз, мураббийлар штаби ҳамда миллионлаб ҳамюртларимизни табриклаб, ёшларимизга келгуси босқичларда ҳам омад ва муваффақият тилаб қолади.
