11 Март 2023
962
Оксана Чусовитина Жаҳон кубогида кумуш медалга сазовор бўлди
Спорт гимнастикаси бўйича Ўзбекистон терма жамоаси аъзоси Оксана Чусовитина Бокуда ўтаётган Жаҳон кубогининг учинчи босқичини ҳам медаль билан якунлади. Ҳамюртимиз таяниб сакраш дастурида кумуш медални қўлга киритди.
Икки уриниш натижасига кўра, Оксананинг чиқиши ҳакамлар томонидан 13.433 балл билан баҳоланди. Юртдошимиз фақатгина Франциялик Колин Деваллардан камроқ балл тўплади. Шу тариқа, спортчимиз қаторасига учинчи бор Жаҳон кубогида шоҳсупага кўтарилмоқда. Бундан аввалги босқичларда у бронза медалларига сазовор бўлган эди.
Таяниб сакраш, аёллар:
1. Колин Деваллар (Франсия) – 13.683
2. Оксана Чусовитина (Ўзбекистон) – 13.433
3. Линмин Ю (Хитой) – 13.383
