9 Март 2023
769
Чусовитина ва Абдураҳимов финалда
Спорт гимнастикаси: Бокуда старт олган Жаҳон кубогининг навбатдаги босқичида дастлабки саралаш баҳслари ортда қолди. Унда иштирок этган ҳамюртларимиздан Токио-2020 Олимпиадаси иштирокчилари Оксана Чусовитина ҳамда Расулжон Абдураҳимов финалга йўл олишди.
Чусовитина таяниб сакраш дастурида 13.016 балл билан иккинчи натижани кўрсатди. Параллел брусда 14.266 балл жамғарган Абдураҳимов саккизинчи кўрсаткич қайд этиб, 11 март куни ўтадиган финалда медаллар учун курашиш имкониятини сақлаб қолди. Афсуски, бугун стартга чиққан бошқа ҳамюртларимизнинг натижалари финал учун етарли бўлмади.
