8 Март 2023
943
Азиз опа-сингиллар, муҳтарам аёллар!
Ўзбекистон Миллий Олимпия қўмитаси Сизларни 8-март – Халқаро хотин-қизлар куни билан самимий муборакбод этади.
Мамлакатимиз спортида хотин-қизларнинг тутган ўрни беқиёс. Зеро, қитъа ва жаҳон чемпионатлари, Осиё ва Олимпия ўйинларида спортчи қизларимиз ҳамиша муносиб иштирок этиб келишмоқда. Ишонамизки, келажакда бу кўрсаткич янада ортиб, спортчи қизларимиз Олимп шоҳсупасида яна Ватанимиз байроғини кўкларга кўтаришади.
Ўзбекистон Миллий Олимпия қўмитаси Сиз азиз опа-сингилларимизни яна бир бор бугунги айём билан муборакбод этиб, барчангизга узоқ умр, сиҳат-саломатлик ва оилавий тинчлик-хотиржамлик тилаб қолади. Байрамингиз муборак бўлсин!
