27 Февраль 2023
761
Каратечиларимиз Фужайрадаги мусобақада олтита медалга сазовор бўлишди
БААнинг Фужайра шаҳрида каратэнинг WKF йўналиши бўйича "Ёшлар лигаси" мусобақаси бўлиб ўтди. Турнирнинг сўнги кунида ҳамюртларимиз 1 тадан олтин ва бронза медалларга сазовор бўлишди.
12-13 ёшли спортчилар ўртасида кечган ката баҳсларида Жавоҳир Жаҳонгиров олтин медални қўлга киритди. Шунингдек, -45 кг вазндаги кумитэ дастурида Улуғбек Ҳайтмуродов бронза медали билан тақдирланди.
Шу тариқа, мусобақада иштирок этган ўзбекистонлик спортчилар турнирни 2 тадан олтин, кумуш ва бронза медаллари билан якунлашди. Ҳамюртларимиз бугун пойтахтимизга қайтиб келишади.
