26 Февраль 2023
1488
Ҳасанбой Раҳимов халқаро мусобақада совриндор бўлди
Мисрда ўтаётган спорт курашлари бўйича халқаро мусобақада Ўзбекистон терма жамоаси илк медалини қўлга киритди. Ортда қолган кун дастурида Ҳасанбой Раҳимов бронза медалига эга чиқди.
-125 кг вазн тоифасида баҳс олиб борган полвонимиз илк босқичда полшалик Камиль Косёлекка мағлуб бўлди. Поляк курашчиси финалгача етиб боргач юртдошимизда бронза медали учун имконият пайдо бўлди ва у бундан унумли фойдаланди. Аҳамиятлиси, Раҳимов ўтиш босқичида ушбу вазндаги бошқа бир спортчимиз Сардорбек Холматовни, бронза медали учун курашда эса хитойлик Бенхин Дуанни доғда қолдиришга эришди.
