15 Февраль 2023
851
Бешкурашчиларимиз хорижий йиғинга жўнаб кетишди
Замонавий бешкураш бўйича Ўзбекистон терма жамоаси Беларусь Республикасига йўл олди. Ҳамюртларимиз 8 март кунига қадар Минск шаҳрида ўқув-машғулот йиғинида иштирок этишади.
Йиғинга 10 нафар спортчи жалб қилинган. Унда ёш спортчиларимизнинг Ханчжоу-2022 Осиё ўйинлари, шунингдек, Париж-2024 Олимпия ўйинларига йўлланма берувчи лицензион мусобақаларга муносиб тайёргарлик кўришларини таъминлашга эътибор қаратилади. Мураббийлар штаби машғулотлар давомида ҳар бир спортчи билан алоҳида шуғулланиб, уларнинг техник ва тактик маҳоратларини кучайтириш устида ишлашади. Шунингдек, йиғин давомида ёш бешкурашчиларимиз беларуслик спортчилар билан тажриба алмашишлари кўзда тутилган.
