8 Февраль 2023
864
МБАда тарихий натижа!
Миллий баскетбол ассоциациясининг (МБА) ортда қолган навбатдаги кунида тарихий воқелик юз берди. Гап шундаки, “Лейкерс” ҳужумчиси Леброн Жеймс “Оклахома”га қарши баҳсдан сўнг МБА тарихида энг кўп очко жамғарган баскетболчига айланди.
Ушбу ўйинда Жеймс жамғарган очколар 38 тани ташкил этди. Бу билан унинг бутун фаолиятидаги очколари 38 388 тага етди! Шу тариқа, Леброн афсонавий Карим Абдул-Жабборнинг натижасини янгилади.
Ўйинга ташриф буюрган Абдул-Жаббор Жеймсни шахсан ўзи ушбу муваффақият билан қутлади. Бироқ ўйин “Лейкерс”нинг 130:133 ҳисобидаги мағлубияти билан якунланди.
