5 Февраль 2023
1578
Велоспортчиларими шоссе йўналишидаги дастлабки лицензион очколарини жамғаришди
Велоспортнинг шоссе йўналиши бўйича Ўзбекистон терма жамоаси ҳамда “Tashkent city cycling woman team” клуби аъзолари Кипрдаги халқаро мусобақада иштирок этишмоқда. Ушбу турнирдаги муваффақиятли иштироки орқали қизларимиз Париж-2024 йўлида илк очколарни қўлга киритишди.
13.5 километр масофадан иборат дастлабки пойгада тажрибали Ольга Забелинская марра чизиғини иккинчи бўлиб кесиб ўтди. Шунингдек, терма жамоамиз вакилларидан Янина Кускова 4, Шаҳноза Абдуллаева 11, Мадина Қаҳҳорова 13-натижани қайд этишди.
Бир неча босқичдан иборат мусобақада 6 та жамоа иштирок этмоқда. Ҳозирча “Tashkent city cycling woman team” 58 очко билан умумий классификацияда пешқадамлик қиляпти.
