Парижда старт олган дзюдо бўйича "Катта дубулға" мусобақасининг кечки дастурида медаллар учун баҳс олиб борадиган спортчилар номи маълум бўлди. Қувонарлиси, унда Камолиддин Бахтиёров (-60 кг) ва Сардор Нуриллаев (-66 кг) бронза медали учун татамига чиқишади.

Бахтиёров фаолиятида илк бор катталар таснифидаги бундай йирик мусобақада шоҳсупага кўтарилиши учун мўғулистонлик Ариунболд Энхтайвинни енгиши талаб этилса, Нуриллаевга жанубий кореялик Жаеҳонг Ан рақиблик қилади.