4 Февраль 2023
720
Девис кубоги: Бугун кейинги босқич масаласи ҳал этилади
Пойтахтимизда теннис бўйича Девис кубоги жаҳон саралаш босқичи доирасида Ўзбекистон ва АҚШ терма жамоалари ўзаро баҳс олиб боришмоқда. Бугун иккинчи кун беллашувлари ўтказилади.
Дастлаб Файзиев / Фомин жуфтлиги Крайчек / Рам тандемига қарши кортга чиқади. Кечаги баҳслардан сўнг океан орти вакиллари 2:0 ҳисобида олдинда боришмоқда. Мусобақа бир жамоанинг учинчи ғалабасигача давом этишини инобатга олсак, америкалик теннисчиларнинг ғалабаси уларни кейинги босқичга олиб чиқади. Агар унда ҳамюртларимизнинг қўли баланд келса, яккалик баҳсларига навбат берилади. Бугун қуйидаги учрашувларга гувоҳ бўламиз:
Санжар Файзиев / Сергей Фомин ⚔️ Остин Крайчек / Ражив Рам
Сергей Фомин ⚔️Томми Паул
Ҳумоюн Султонов ⚔️ Маккензи Макдоналд
