15 Январь 2023
1191
Конкурчимиз Абдураҳмон Абдуллаев халқаро мусобақада кумуш медаль билан тақдирланди
Бирлашган Араб Амирликларининг Абу-Даби шаҳрида конкур бўйича CSI*2 таснифидаги халқаро мусобақа бўлиб ўтмоқда. Қувонарлиси, унда иштирок этган юртдошимиз Абдураҳмон Абдуллаев баландлиги 145 смдан иборат тўсиқдан сакраш дастурида кумуш медални қўлга киритди.
Олтин Гран-при мақомидаги мазкур йўналишда ҳамюртимизга "Caballone" лақабли тулпори ҳамроҳлик қилди. Абдуллаев фақатгина германиялик Девид Уиллга имкониятни бой берди холос. Кучли учликни мезбонлар вакили Салим Ал Сувайди якунлади.
