10 Январь 2023
1096
Дзюдочиларимизнинг Австриядаги халқаро йиғини бошланди
Австриянинг Миттерзилл шаҳрида дзюдо бўйича халқаро ўқув-машғулот йиғини ўтказилмоқда. Дунёнинг 48 мамлакатидан 600 нафардан зиёд спортчини ўзида жамлаган йиғинда ҳамюртларимиз ҳам иштирок этишяпти.
Ушбу йиғинда 22 нафар спортчимиз қатнашмоқда. Машғулотлар 16 январга қадар давом этади. Шундан сўнг терма жамоамизнинг Португалияда ўтадиган Гран-прида қатнашувчи таркиби маълум қилинади.
