Америкалик тоғ чанғичи Микаэла Шиффрин Жаҳон кубоги босқичларидаги ғалабалари сонини 82 тага етказиб, ҳамюрти Линдсей Воннинг рекордини такрорлади. 2 карра Олимпиада чемпиони Словениянинг Краньска-Гора шаҳрида ўтаётган навбатдаги босқичда гигант слалом баҳсида энг яхши натижани қайд этди.

Шиффриннинг келгуси ғалабаси уни мутлақ рекордчига айлантиради. Маълумот учун, ушбу америкалик спортчи ўтган йили тоғ чанғисининг бир йўналишида ғалаба қозониш бўйича рекордни янгилаган эди.