7 Январь 2023
1186
Стол теннисчи қизларимиз жаҳон чемпионати йўлланмаси учун курашга киришишмоқда
Қатар пойтахтида стол тенниси бўйича жаҳон чемпионатига йўлланма берувчи саралаш мусобақаси бошланди. 13 январга қадар давом этадиган турнирда Ўзбекистон терма жамоаси ҳам иштирок этади.
Мазкур мусобақада қизларимиз Марҳабо Магдиева ҳамда Розалина Хаджаева қатнашиб, яккалик ва жуфтлик баҳсларида дунё биринчилиги йўлланмаси учун кураш олиб боришади. Қуръага кўра, ҳамюртларимизнинг мусобақадаги ўйинлари тақвими билан танишинг:
8 январь, яккалик. 1/64 финал:
Розалина Хаджаева – Мию Нагасаки (Япония)
Марҳабо Магдиева – Маника Батра (Ҳиндистон)
9 январь, жуфтлик. 1/16 финал:
Р.Хаджаева / М.Магдиева – Х.Чои / З.Ли (Корея Республикаси)
Маълумот учун, жорий йилги дунё биринчилиги 20-28 май кунлари ЖАРнинг Дурбан шаҳрида бўлиб ўтади.
