Ирода Тўлагановани табриклаймиз!
Бугун ўзбек теннисининг энг ёрқин вакилларидан бири Ирода Тўлаганова таваллуд айёмини нишонламоқда.
Ирода Ботировна Тўлаганова 1982 йил 7 январда Тошкент шаҳрида дунёга келган. Профессионал спортчи сифатида 1999 йилдан фаолиятини бошлаган. Теннис бўйича Бутунжаҳон ўсмирлар ўйинлари бронза медали совриндори (1998, Москва), ўсмир қизлар ўртасида Осиё чемпионати (1999, Фукуока), "Wimbledon" (1999, Лондон) ва жуфтликда "US Open" турнирлари (1999, Нью-Йорк) ғолиби. Пусан-2002 Осиё ўйинларида яккалик баҳсларида олтин, микст дастурида бронза медалини қўлга киритган.
"Шуҳрат" медали, "Ўзбекистон Республикасида хизмат кўрсатган спортчи" ва “Ўзбекистон ифтихори” фахрий унвонлари соҳибаси. Ҳозирда Ўзбекистон теннис федерациясининг Бош котиби ва Осиё теннис федерациясининг вице-президенти сифатида фаолият олиб бормоқда.
Ўзбекистон Миллий Олимпия қўмитаси Ирода Ботировнани таваллуд айёми билан табриклаб, унга узоқ умр, сиҳат-саломатлик ва улкан муваффақиятлар тилаб қолади.
