30 Декабрь 2022
1223
Волейболчи қизларимиз Бангладешда учинчи ўринни эгаллашди
Бангладешда соҳил волейболи бўйича халқаро мусобақа якунига етди. 4 мамлакатдан 6 жамоа қатнашган мусобақада ҳамюртларимиз 2 та таркиб билан иштирок этишгани ҳақида маълум қилган эдик. Аҳамиятлиси, ярим финалда имкониятни бой берган спортчиларимиз бронза медали учун ўзаро баҳс олиб боришди.
Қизиқарли ўйин Султонбоева / Қўчқоровадан иборат биринчи жамоанинг ғалабаси билан тугади. Олтин медални шри-ланкалик қизлар қўлга киритишган бўлса, уларга финалда ютқазган Непал кумуш медаль билан тақдирланди.
