Бугун юнон-рум кураши бўйича Ўзбекистон терма жамоаси аъзоси Мўминжон Абдуллаев таваллуд айёмини нишонламоқда. 

Мўминжон Абдуллаев 1989 йил ушбу санада Самарқанд вилоятида дунёга келган. -130 килограмм вазн тоифасида Лондон-2012, Рио-2016 ва Токио-2020 Олимпия ўйинлари иштирокчиси. 2018 йил Индонезияда ўтган Осиё ўйинларида олтин медални қўлга киритган. Шунингдек, унинг ҳисобида қитъа биринчиликларининг 2 та кумуш ва 3 та бронза медаллари ҳам мавжуд. 2017 йил Бокуда ўтган Ислом бирдамлиги ўйинлари, шунингдек, ўша йил Ашхобод мезбонлик қилган Жанг санъати ва ёпиқ иншоотлардаги Осиё ўйинларида шоҳсупанинг иккинчи поғонасига кўтарилган. 

Ўзбекистон Миллий Олимпия қўмитаси курашчимизни туғилган куни билан табриклаб, унга узоқ умр ва сиҳат саломатлик тилаб қолади.