16 Декабрь 2022
1596
Тошкентда каратэ WKF бўйича Осиё чемпионати бошланди
Маълум қилганимиздек, бугун пойтахтимизда каратэнинг WKF йўналиши бўйича қитъа биринчилигига старт берилди. Ушбу кун доирасида ўсмир ёш тоифаларида ката ва кумитэ йўналишлари бўйича яккалик ҳамда жамоавий беллашувлар ўтказилмоқда.
Мусобақа ўсмирлар, ёшлар, катталар ва пара каратэ тоифаларида ташкил этилган. Ўзбекистон каратэ миллий федерациясининг маълум қилишича умумий иштирокчилар сони 1000 нафардан ортиқ. Жамоамиз унда 59 нафар спортчи билан иштирок этмоқда. Эртага мусобақанинг тантанали очилиш маросими бўлиб ўтади.
