6 Декабрь 2022
1003
Бутунжаҳон енгил атлетика федерацияси 2022 йилнинг энг яхши спортчиларини маълум қилди
Унга кўра, эркаклар ўртасида швециялик Арман Дюплантис ҳамда аёллар тоифасида америкалик Сидней Маклафлин-Леврон энг яхшилар деб топилди.
Швециялик атлет жорий йил лангарчўпга таяниб сакраш бўйича жаҳон чемпионатида ғалаба қозонибгина қолмай йил давомида 3 бор жаҳон рекордини янгилашга муваффақ бўлди. Шунингдек, Маклафлин-Леврон ўз юртида ўтган дунё биринчилигида 400 метрга тўсиқлар оша сакраш дастурида олтин медални қўлга киритиш билан бирга жаҳон рекордини ҳам янгилаган.
20 ёшгача бўлган атлетлар орасида "Порлаётган юлдуз" номинациясида Адриана Вилагос ва Эррион Найтон ғалаба қозонишди. Аҳамиятлиси, Дюплантис ва Маклафлин-Леврон 4 йил аввал (19 ёшида) биргаликда ушбу совринга эга чиқишган.
