Сайтнинг эски версияси

Оғир атлетика бўйича Ўзбекистон терма жамоаси келаси ой Колумбияда бўлиб ўтадиган жаҳон чемпионатига тайёргарликни Туркиянинг Анталья шаҳрида давом эттираётгани ҳақида маълум қилган эдик. Спортчиларимиз йиғин доирасида 3 карра Олимпиада чемпиони Наим Сулаймонўғлу хотирасига бағишланган халқаро мусобақада иштирок этишмоқда. Қайд этиш жоиз, мусобақа мураббийлар штаби учун муҳим назорат турнири вазифасини бажариб бермоқда.

• Натижаларга тўхталадиган бўлсак, -55 кг вазн тоифасида қатнашган Нигора Абдуллаева даст кўтаришда 85 кг, силтаб кўтариш йўналишида 107 ва икки кураш бўйича 192 кг билан мутлақ чемпионликни қўлга киритди.
• Шунингдек, -81 кг вазнда порлаётган Муҳаммадқодир Тоштемиров ҳам 337 (153+184) кг билан 3 та олтин медалга сазовор бўлди.
• -73 кг вазнда қатнашган Адҳамжон Эргашев даст кўтаришдаги 131 кг билан бронза, силтаб кўтариш дастурида 184 кг ва икки курашдаги 337 кг билан 2 та кумуш медални қўлга киритди.