Улар таэквондо бўйича жаҳон чемпионатида юртимиз шарафини ҳимоя қилишади
Таэквондо WT мухлислари интиқиб кутаётганган жаҳон чемпионати яқинлашиб келмоқда. 3 йиллик танаффусдан сўнг ўтказиладиган дунё биринчилигига бу йил Мексиканинг Гвадалахара шаҳри 13-20 ноябрь кунлари мезбонлик қилади. Мусобақа Париж-2024 Олимпиадаси рейтинги учун ғолибга 140 очко тақдим қилиши унга бўлган қизиқишни янада оширмоқда.
Ўзбекистон терма жамоаси мураббийлар штаби мазкур чемпионатда иштирок этадиган таркибни маълум қилди. Унда Токио-2020 Олимпиадаси чемпиони Улуғбек Рашитов, Олимпиада иштирокчилари Никита Рафалович, Светлана Осипова каби номдор спортчилар қаторида янги номларни ҳам учратиш мумкин. Жамоанинг тўлиқ таркиби қуйидагича:
-54 кг: Жаҳонгир Худойберидев
-58 кг: Амир Тўраев
-63 кг: Нияз Пулатов
-68 кг: Улуғбек Рашитов
-74 кг: Жасур Жайсунов
-80 кг: Шуҳрат Салаев
-87 кг: Никита Рафалович
+87 кг: Марат Мавлонов
-46 кг: Зуҳра Тожиматова
-49 кг: Зарнигор Ҳусниддинова
-53 кг: Ситора Эргашева
-57 кг: Мадина Мирбзалова
-62 кг: Феруза Содиқова
-67 кг: Озода Собиржонова
-73 кг: Саодат Алиева
+73 кг: Светлана Осипова
Ўзбекистон Миллий Олимпия қўмитаси бўлажак дунё биринчилигида жамоамизга омад ва зафарлар тилайди.
