Morgan Stanleyнинг инвестиция бўйича директори: «Aкцияларни сотиб олиш учун яхши фурсат»
Aгар дунё ҳали ҳам коронавирус билан узоқ ва оғир кураш олиб борса, у ҳолда фонд биржаларида «энг ёмон нарса ортимизда турибди, чунки у энг юқори нуқтага етади», дейди AҚШдаги Morgan Stanley банкининг инвестиция бўйича директори ва бош стратеги Майк Уилсон. У ҳозирда акцияларни сотиб олиш учун энг яхши вақт эканига ишончи комил.
Bloomberg (профессионал молиявий маълумотлар – облигациялар, акциялар, валюталар, маблағлар ва бошқаларни тақдим этадиган етакчи компаниялардан бири) Майк Уилсон сўзларидан иқтибос келтиради: «Ўтган ойда активларнинг мажбурий сотилиши ортда қолгани, шунингдек, 2011 йилда кўрганимиздек, мисли кўрилмаган пул ва молия аралашуви, энг жозибадор котировкаларни ҳисобга олсак, ўтган ойда эмас, икки йил олдин бошланган циклнинг пасайган («айиқ») бозори ортимизда энг ёмон нарса турибди, деган фикрдамиз. «
Майк Уилсоннинг сўзларига кўра, қоида тариқасида, бозорларнинг қулаши рецессия билан бошланмайди, балки у билан тугайди. Сўнгги йиллар билан таққослаганда, ҳозирги вақтда хатар ва қимматли қоғозлар рентабеллиги ўртасидаги нисбат пандемиядан олдинги ҳолатга қараганда анча жозибали. Уилсон, шунингдек, фонд бозорларининг ҳозирги даражаси 6 ойдан 12 ойгача бўлган вақт мобайнида сармоядорлар учун энг яхши томонларини кўрсатади, деб ҳисоблайди.
Bloomberg ҳукуматлар ва марказий банкларнинг иқтисодиётни қўллаб-қувватлашга қаратилган қатъий чора-тадбирлари ва Европада энг юқори даражадаги коронавирус пандемияси аломатлари вақтида фонд бозорларидаги камдан кам учрайдиган оптимистик прогнозлар намоён бўлишини айтди.
«Сиз туннелнинг охирида ёруғликни кўришингиз мумкин, аммо у жуда ҳам узун туннелдир», дея агентлик UniCredit Банкининг иқтисодчиси Эрик Нильсен сўзларидан иқтибос келтиради.
Манба: forbes.ru
