19 Октябрь 2022
1309
Гимнастикачиларимиз Тбилисида ЖЧга тайёрланишмоқда
Спорт гимнастикаси бўйича Ўзбекистон терма жамоаси Грузияда ўқув-машғулот йиғинини олиб бормоқда. Мазкур йиғин 29 октябрь – 6 ноябрь кунлари Англиянинг Ливерпуль шаҳрида бўлиб ўтадиган жаҳон чемпионатига тайёргарликнинг сўнгги босқичи вазифасини ўтаб беради. 26 октябрга қадар давом этадиган йиғиндан сўнг спортчиларимиз Париж-2024 Олимпиадаси йўлида лицензион ҳарактерга эга бўлган дунё биринчилигига йўл олишади. Машғулотлар давомида гимнастикачиларимиз махсус техник элментлар устида ишлашмоқда.
