7 Сентябрь 2022
1167
Энг кучли оғир атлетикачиларимиз мамлакат кубоги учун баҳс олиб боришади
13-16 сентябрь кунлари Чирчиқ шаҳри оғир атлетика бўйича катталар ўртасидаги Ўзбекистон кубогига мезбонлик қилади. Унда Республикамизнинг барча вилоятларидан энг сара полвонлар ўз маҳоратларини намойиш этишади.
Мусобақада Олимпиада чемпиони Акбар Жўраев, шунингдек, Достон Ёқубов, Адҳамжон Эргашев, Турсуной Жабборова каби жаҳон чемпионати ғолибларининг ҳам ўз қатнашиши кутилмоқда. Турнирдан сўнг терма жамоамиз мураббийлар штаби Осиё чемпионатида иштирок этадиган якуний таркибимизни белгилаб олади.
