19 Июль 2022
1428
Ханчжоу-2022 Осиё ўйинларининг янги саналари маълум
Осиё Олимпия кенгаши бир йилга кечиктирилган Ханчжоу-2022 XIX Осиё ўйинларининг янги саналарини эълон қилди. Унга кўра, мусобақа 2023 йил 23 сентябрь – 8 октябрь кунлари бўлиб ўтади.
Эслатиб ўтамиз, Ханчжоу-2022 Осиё ўйинлари жорий йил сентябрь ойида бўлиб ўтиши белгиланганди. Бироқ коронавируснинг янги тўлқини сабаб 6 май куни Тошкентда ўтган ООК Ижроия қўмитасининг 77-йиғилишида мусобақа бошқа муддатга кўчирилиши эълон қилинган эди.
