19 Июль 2022
1862
Лос-Анжелес-2028 Олимпия ўйинларининг саналари маълум
Маълумки, 2028 йил XXXIV ёзги Олимпия ўйинлари АҚШнинг Лос-Анжелес шаҳрида бўлиб ўтади. Мусобақа ташкилий қўмитаси Ўйинлар ўтказиладиган санани маълум қилди.
Унга кўра, ЛА-2028 Олимпия ўйинлари 14-30 июль, Паралимпия ўйинлари эса 15-27 август кунлари бўлиб ўтади. Ушбу саналар Халқаро Олимпия қўмитаси президенти Томас Бахнинг Ўйинлар учун ташкил этилган штаб-квартирага ташрифи давомида белгиланди.
