Ру En O'z
11 Июль 2022 1511

Ёш курашчиларимиз қитъа чемпионатида ўн учта медаль қўлга киритишди

Баҳрайн пойтахти Манама шаҳрида спорт курашлари бўйича ёшлар ўртасидаги Осиё чемпионати ўз якунига етди. Унда иштирок этган терма жамоамиз мусобақани 13 та медаль билан тугатди.

Сўнгги кун дастурида эркин кураш бўйича беллашувлар бўлиб ўтди. Унда бронза медали учун гиламга чиққан Арслан Раҳимов (-61 кг) мўғулистонлик Энхболд Энхбатни 8-2, -92 кг вазндаги Равшанбек Жумабоев эса кореялик Ча Сео Хюнни 10-2 ҳисобида таслим этиб, совриндорлар қаторидан жой олишди. Афсуски, яна икки вакилимиз мазкур босқичда имкониятни бой бериб қўйди.

Шу тариқа, спорт курашлари бўйича ёшлар терма жамоамиз мусобақани 2 та олтин, 3 та кумуш ва 8 та бронза медаллари билан якунлади. Ўзбекистон Миллий Олимпия қўмитаси Ўзбекистон спорт курашлари ассоциацияси ва жамоамизни ушбу натижа билан табриклаб қолади.

Text to speech