5 Июль 2022
1398
Регбичиларимиз иккинчи дивизионга чиқиш арафасида
Айни кунларда Қирғизистон пойтахтида регби-15 бўйича учинчи дивизион вакиллари ўртасида Осиё чемпионати бўлиб ўтмоқда. Унда иштирок этаётган терма жамоамиз ҳал қилувчи босқичга етиб келди.
Саралаш баҳсларидан муваффақиятли ўтган вакилларимиз ярим финалда Мўғулистон термасини 17:10 ҳисобида мағлубиятга учратишга муваффақ бўлди. Энди ҳамюртларимиз финалда Қозоғистонга қарши беллашишади.
Ушбу баҳс ғолибнинг иккинчи дивизионга йўлланма олиши билан янада аҳамиятли. Эртага бўлиб ўтадиган ўйинда йигитларимизга омад тилаб қоламиз.
