24 Июнь 2022
1642
Диёра Келдиёрова финалда!
Хушхабарлар давом этади. Мўғулистон пойтахти мезбонлик қилаётган дзюдо бўйича “Катта дубулға” турнирининг биринчи куни жамоамиз учун муваффақиятли ўтмоқда. -52 кг вазн тоифасида қатнашаётган Диёра Келдиёрова финал йўлланмасини қўлга киритди.
Дастлаб Хитой Таипейи вакиласини мағлуб этган Келидёрова чорак финалда германиялик Маша Балхаусни, ярим финалда португалиялик Жоана Диогони иппон баҳоси билан доғда қолдирди. Ҳамюртимиз кечки дастурда олтин медаль учун россиялик Алеся Кузнецовага қарши татамига чиқади.
Афсуски, бугун иштирок этган ака-ука Кемран ҳамда Сардор Нуриллаев ҳамда Гулнур Муратбаева медаллар учун курашни эрта тарк этишди. Чемпионлик учун кечадиган беллашувда самарқандлик дзюдочи қизимизга омад ёр бўлсин, деб қоламиз.
