24 Июнь 2022
2570
Улуғбек Рашитов ҳеч бир раундни бой бермай Осиё чемпионлигини қўлга киритди!
Жанубий Кореяда таэквондо бўйича Осиё чемпионати бўлиб ўтмоқда. -68 кг вазн тоифасида Улуғбек Рашитов финалда иорданиялик Заид Каримга қарши даянга чиқди ва иккала раундда ҳам ғалабага эришиб, Осиё чемпионига айланди!
Рашитов мусобақани нимчорак финалдан бошлади ва фаластинлик Фаҳид Абдулразоқни 2:0 ҳисобида таслим қилди. Шундан сўнг чорак финалда мўғулистонлик Энгболд Буяншагаи, ярим финалда эронлик Дониёл Бозоргишоб ҳам мағлуб этилди – 2:0.
Яна саноқли дақиқалардан сўнг -53 кг вазн тоифасида қитъа чемпионлиги учун баҳс олиб борадиган Чарос Қаюмовага ҳам омад тилаб қоламиз.
