Бугун бокс бўйича ўзбек қизлари ичида биринчи бўлиб жаҳон чемпиони бўлган Нигина Ўктамова ўз туғилган кунини нишонламоқда.

Нигина Ўктамова 2003 йилда Самарқанд вилояти Иштихон туманида туғилган. 2021 йилнинг апрелида Польшада ўтказилган ёшлар ўртасидаги жаҳон чемпионатида олтин медални қўлга киритган. Бу ҳозирча ўзбек боксчи қизлари учун жаҳон чемпионатларидаги ягона олтин медаль ҳисобланади. Бундан ташқари, Нигина бир қатор ёш тоифаларида қитъа биринчилигининг ғолиб ва совриндорлари қаторидан жой олган. Ушбу натижалари эвазига давлатимиз томонидан “Шуҳрат” медали билан тақдирланган.

Ўзбекистон Миллий Олимпия қўмитаси Нигина Ўктамовани бугунги туғилган кун билан муборакбод этиб, унга узоқ умр ва сиҳат-саломатлик тилаб қолади.