21 Май 2022
1237
Ёш мерганларимиз Андижонда куч синашишмоқда
Айни кунларда Андижон шаҳрида жойлашган “Дўстлик” спорт мажмуасида камондан отиш бўйича ўсмирлар ўртасида Ўзбекистон чемпионати бўлиб ўтмоқда. Мусобақа ҳозир айни қизғин паллага кирди.
Чемпионатда мезбонлардан ташқари Фарғона, Навоий, Жиззах вилоятлари ва Тошкент шаҳридан ташриф буюрган 50 нафардан ортиқ ёш мерганлар ғолиблик учун баҳс олиб боришмоқда. Ҳозирга келиб барча дастурларда медаллар учун кураш олиб борувчи спортчилар номи маълум бўлди. Бугун иштирокчилар яккалик ва микст дастурида олтин медаллар учун майдонга чиқишади.
