“Олимпик” “Динамо” билан муроса кўчасини танлади
МОҚ қошида ташкил этилган “Олимпик” футбол клуби Ўзбекистон Coca-Cola Суперлигасининг 7-тур учрашувини ўтказди. Бу гал Темур Кападзе шогирдлари самарқандлик “динамочилар”ни қабул қабул қилишди.
Учинчи дақиқада дарвозабонимиз томонидан йўл қўйилган хатодан унумли фойдаланган Шоҳмалик Комилов меҳмонларни ҳисобда олдинга олиб чиқди. Орадан кўп ўтмай “Олимпик” етакчиларидан бири Отабек Жўрақўзиев орадаги мувозанатли тиклади. 82-дақиқада “Динамо” ўйинчиси Жўрабек Маннонов майдондан четлатилди. Учрашувнинг қолган қисмида “Олимпик” сон жиҳатдаги устунликдан фойдалана олмади ва томонлар ўз ҳисобларига 1 очкодан қўшиб қўйишди.
“Олимпик" - “Динамо” 1:1
Голлар: Шоҳмалик Комилов, 3’ (0:1), Отабек Жўрақўзиев, 8’ (1:1)
Четлатиш: Жўрабек Маннонов, 82’ (“Динамо”)
Ушбу учрашувдан сўнг “олимпиячилар” ҳисобидаги очколар сони 7 тага етди. Энди жамоамиз кейинги баҳсни 10 май куни сафарда “Нефтчи”га қарши ўтказади.
