22 Апрель 2022
1392
Курашчи қизларимиз Осиё чемпионатини битта бронза медали билан тугатишди
Мўғулистоннинг Улан-Батор шаҳрида спорт курашлари бўйича Осиё чемпионатининг тўртинчи кунги баҳслари якунланди.
Афсуски, бироз аввал бронза медали учун кечган беллашувларда ҳамюртларимиз Актенге Кеунимжаева (-53 кг) қозоғистонлик Жулдиз Эшимовага, Шоҳида Аҳмедова (-57 кг) мўғулистонлик Болортуя Хурелхуга, Набира Эсенбаева (-62 кг) яна бир мезбонлар вакиласи Хонгорзул Болдсаиханга имкониятни бой бериб қўйди.
Шу тариқа, Ўзбекистон аёллар эркин кураш терма жамоаси Осиё чемпионатидаги иштирокини Жасмина Иммаева (-50 кг) томонидан қўлга киритилган битта бронза медали билан якунлади. Эртадан эркин курашчилар ўртасидаги беллашувлар бошланади.
