31 Март 2022
1432
Озарбайжонда спорт гимнастикаси бўйича Жаҳон кубогининг сўнгги босқичи старт олмоқда
Бугун Озарбайжон пойтахти Боку шаҳрида спорт гимнастикаси бўйича Жаҳон кубоги бўйича мавсумнинг сўнгги босқичига старт берилади. 3 апрелга қадар давом этадиган мусобақада жамоамиз ҳам асосий таркиб билан иштирок этади.
Ўзбекистон гимнастика федерацияси матбуот хизматининг маълум қилишича, турнирда 35 мамлакатдан 151 нафар гимнастикачи рўйхатдан ўтган. Жамоамиз айни Қоҳира босқичидаги таркиб билан қатнашади: Оксана Чусовитина, Оминахон Ҳалилова, Дилдора Арипова, Расулжон Абдураҳимов, Абдулла Азимов, Ҳабибулло Эргашев, Ўткирбек Жўраев.
Эслатиб ўтамиз, ушбу таркиб билан спортчиларимиз Мисрда 2 та кумуш медалини қўлга киритишган эди. Ўзбекистон Миллий Олимпия қўмитаси жамоамизга бўлажак баҳсларда омад тилайди.
