29 Март 2022
1350
Шомуродовнинг хет-триги жамоамизни “Navruz Сup-2022” ғолибига айлантирди
Наманганда футбол бўйича ташкил этилган “Navruz Сup-2022” ўз якунига етди. Унда бош соврин учун Уганда жамоасига қарши майдонга тушган Ўзбекистон МТЖ ишончли ғалабага эришди.
Учрашувда жамоамиз 4:2 ҳисобида ғалаба қозонди. Дастлаб Жалолиддин Машарипов ҳисобни очган бўлса, баҳс давомида Элдор Шомуродов 3 бор рақиб дарвозасини ишғол қилди. Ушбу голларга меҳмонлар 2 бор жавоб қайтара олишди.
“Navruz Сup-2022”, финал
Ўзбекистон – Уганда 4:2
Голлар: Жалолиддин Машарипов 35', Элдор Шомуродов 39', 55', 72' – Фаруку Мия 52', Эмануэль Окви 78'
Қайд этиш жоиз, Дубайдаги мусобақада Вьетнамга қарши майдонга тушган ёшларимиз ҳам ғалаба қозонишди. Жасур Жалолиддиновнинг жаримадан киритган супер голи баҳс тақдирини ҳал қилди.
