21 Февраль 2022
1985
Тошкентда самбо бўйича мамлакат чемпионати старт олди
Бугун, 21 февраль куни Тошкент шаҳрида самбо бўйича катталар ўртасида Ўзбекистон чемпионати бошланди.
Уч кун давом этадиган беллашувларда Қорақалпоғистон Республикаси, вилоятлар ва Тошкент шаҳридан 750 нафар спортчи медаллар учун кураш олиб боради.
Беллашувлар "Универсал" (Таэквондо WT ассоциациясига қарашли) мажмуасида аёллар ва эркаклар ўртасида спортча самбо, шунингдек жанговар йўналишида ҳам ташкил этилади. Ҳар бир йўналишда 7 тадан вазн тоифасида медаллар ўз эгаларини топади.
